ശബരിമല: നിരോധനാജ്ഞ 27 വരെ നീട്ടി

പത്തനംതിട്ട > ഇലവുങ്കൽ മുതൽ സന്നിധാനം വരെ പ്രഖ്യാപിച്ചിരുന്ന നിരോധനാജ്ഞ  27 ന് അർധരാത്രി വരെ നീട്ടി. 22 ന് അർധരാത്രി മുതൽ  27 ന് അർധരാത്രി വരെ  കലക‌്ടറുടെ ഉത്തരവിന് പ്രാബല്യമുണ്ട്.

തീർഥാടകരുടെ സംരക്ഷണം ഉറപ്പാക്കുന്നതിനും ക്രമസമാധാനം നിലനിർത്തി ജനങ്ങളുടെ ജീവനും സ്വത്തിനും സംരക്ഷണം നൽകുന്നതിനും പൊതുമുതൽ സംരക്ഷിക്കുന്നതിനുമാണ് നിരോധനാജ്ഞ പ്രഖ്യാപിച്ചിട്ടുള്ളത്.  ഇലവുങ്കൽ മുതൽ സന്നിധാനം വരെ  മുഴുവൻ റോഡുകളിലും ഉപറോഡുകളിലും നിരോധനാജ്ഞ ബാധകമാണ്.

നിയമവിരുദ്ധമായി സംഘം ചേരുന്നതും പ്രകടനം, പൊതുയോഗം, വഴിതടയൽ എന്നിവ നടത്തുന്നതും നിരോധിച്ചിട്ടുണ്ട്.  തീർഥാടകരെ ഒഴിവാക്കിയിട്ടുണ്ട്. ഭക്തർക്ക് ഒറ്റയ്‌ക്കോ, സംഘമായോ ദർശനത്തിന് എത്തുന്നതിനോ ശരണം വിളിക്കുന്നതിനോ, നാമജപം നടത്തുന്നതിനോ തടസ്സം ഇല്ല.

ക്രമസമാധാന ലംഘനത്തിന്റെയും അക്രമസംഭവങ്ങളുടെയും അടിസ്ഥാനത്തിലും സംഘർഷ സാധ്യത ബോധ്യപ്പെട്ടതിന്റെയും അടിസ്ഥാനത്തിലാണ് ക്രിമിനൽ നടപടിക്രമം വകുപ്പ് 144 പ്രകാരം  കലക്ടർ നിരോധനാജ്ഞ നീട്ടിയത്.

from Kerala || Deshabhimani ​Online ​News http://bit.ly/2SfWEJe
via IFTTT