വലിയ ചെലവില്ലാതെ ഹോം ഓട്ടോമേഷന്‍ നടത്താം

കൊച്ചി
സ‌്മാർട്ട് ഫോണിലൂടെ വീട്ടിലെ ഇലക്ട്രോണിക‌് ഉപകരണങ്ങൾ നിയന്ത്രിക്കുന്ന  ഹോം ഓട്ടോമേഷൻ സാങ്കേതികവിദ്യയെക്കുറിച്ച് കേട്ടിട്ടില്ലേ? ആഡംബരവീടുകളിലും ഹോട്ടലുകളിലും മാത്രം ഉപയോ​ഗിക്കുന്ന ഈ സംവിധാനം വലിയ ചെലവില്ലാതെ ഇടത്തരം വീടുകളിൽ എങ്ങനെ ഉപയോ​ഗിക്കാമെന്ന് കാണിച്ചുതരികയാണ് തൃശൂർ സ്റ്റെം റോബോട്ടിക്സ് അക്കാദമി. കൊച്ചി ബോൾഗാട്ടി ​ഗ്രാൻഡ് ഹയാത്ത് കൺവൻഷൻ സെന്ററിൽ കൊക്കൂണിന്റെ ഭാ​ഗമായി പ്രദർശിപ്പിച്ച  ഹോം ഓട്ടോമേഷൻ സാങ്കേതികവിദ്യ ഏറെ താൽപ്പര്യത്തോടെയാണ് കാണികൾ ഏറ്റെടുക്കുന്നത്.

സാധാരണ ഈ സാങ്കേതികവിദ്യയൊരുക്കാൻ ലക്ഷക്കണക്കിന് രൂപയാകും. എന്നാലിത് 20,000 രൂപയ്ക്ക് സാധ്യമാകുമെന്ന് തെളിയിക്കുകയാണ് സ്റ്റെം റോബോട്ടിക്സ് അക്കാദമി. വിവിധ ഉപകരണങ്ങൾ അസംബിൾ ചെയ്താണ് അക്കാദമി ഇതൊരുക്കുന്നത്. അതുകൊണ്ടുതന്നെ ചെലവ് കുറയും. ഇതിലൂടെ സാധാരണക്കാർക്കും ഓട്ടോമേഷൻ സാങ്കേതികവിദ്യയുടെ ​ഗുണഫലം ലഭ്യമാക്കുകയാണ് ലക്ഷ്യമിടുന്നത്.

വൈഫൈ ഉപയോഗിച്ച് നിയന്ത്രിക്കാവുന്ന ചിപ്പുവഴിയാണ് ഒരു വീട്ടിലെ മുഴുവൻ ഇലക്ട്രോണിക് ഉപകരണങ്ങളും സ‌്മാർട്ട് ഫോൺവഴി നിയന്ത്രിക്കാൻ സാധിക്കുന്നത്. ഈ സാങ്കേതികവിദ്യ ചെറുപ്പക്കാരേക്കാൾ വീട്ടിലെ പ്രായമായവർക്ക് വലിയ സഹായകമാകുമെന്ന് അക്കാദമി പ്രതിനിധി ജിഫിൻ പറഞ്ഞു.

from Kerala || Deshabhimani ​Online ​News https://ift.tt/2zVMVkC
via IFTTT