കൊച്ചി > പൊതുമരാമത്ത് മന്ത്രി മുഹമ്മദ് റിയാസിന്റെ പേഴ്സണൽ സ്റ്റാഫ് അംഗങ്ങളുടേത് എന്നപേരിൽ സമൂഹമാധ്യമങ്ങളിൽ പ്രചരിക്കുന്നത് വ്യാജപോസ്റ്റ്. ബിജെപി സൈബർ അണികളാണ് പ്രധാനമായും വ്യാജപ്രചരണത്തിന് പിന്നിൽ. ദേശീയമാധ്യമമായ ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം (AFWA) അന്വേഷണത്തിലാണ് പ്രചരിക്കുന്നത് തെറ്റായ വിവരമാണെന്ന് കണ്ടെത്തിയത്.
റെൻ ഫോർ യൂ എന്ന ബിജെപി അക്കൗണ്ടിൽ നിന്നാണ് വ്യാജ പോസ്റ്റ് ഫെയ്സ്ബുക്കിൽ പ്രത്യക്ഷപ്പെട്ടത്. പോസ്റ്റ്:
ഇത് ലീഗ് നേതാവിന്റെ പ്രൈവറ്റ് സ്റ്റാഫിന്റെ ലിസ്റ്റല്ല...കമ്മ്യൂണിസ്റ്റ് നേതാവിന്റെ പ്രൈവറ്റ് സ്റ്റാഫിന്റെ ലിസ്റ്റാണ്.. ഇതിന്റെ പേരില് ലക്ഷങ്ങളാണ് പൊതുഖജനാവില് നിന്ന് പോകുന്നത്...
Mr.മരുമകന്റെ കൊച്ചാപ്പയും കുടുംബക്കാരും മൊത്തം ഉണ്ട്..
എല്ലാം മരുമകന്റെ ഭാഗ്യം... '
എന്ന കുറിപ്പോടെ 21 പേരുടെ ലിസ്റ്റാണ് നൽകിയിരിക്കുന്നത്.
ഇന്ത്യ ടുഡേയുടെ അന്വേഷണത്തിലുള്ള കണ്ടെത്തൽ:
പ്രചരിക്കുന്ന പോസ്റ്റ് പരിശോധിച്ചാല് 21 പേരുകള് കാണാന് സാധിക്കും. പ്രൈവറ്റ് സെക്രട്ടറി, അഡിഷണല് പ്രൈവറ്റ് സെക്രട്ടറി, സ്പെഷ്യല് പേഴ്സണല് അസിസ്റ്റന്റ് എന്നു തുടങ്ങി ക്ലര്ക്ക് വരെയുള്ള സ്റ്റാഫുകളുടെ ലിസ്റ്റാണിതെന്ന് മനസിലാക്കാനാകും. പേഴ്സണല് സ്റ്റാഫ് ഫോര് മിനിസ്റ്റര് ഫോര് പബ്ലിക് വര്ക്സ് എന്നുള്ള തലക്കെട്ടോടെയാണ് ലിസ്റ്റ് നല്കിയിട്ടുള്ളത്. ഇതേ കീവേര്ഡ് ഉപയോഗിച്ച് ഗൂഗിളില് സെര്ച്ച് ചെയ്തപ്പോള് സമാനമായ ലിസ്റ്റ് ഉള്പ്പെടുന്ന സര്ക്കാര് വെബ്സൈറ്റ് ലഭ്യമായി. എന്നാല് ഇത് പരിശോധിച്ചപ്പോള് 2011 ഒക്ടോബര് 13ന് അപ്ഡേറ്റ് ചെയ്ത ലിസ്റ്റാണെന്ന് മനസിലാക്കാനായി.
.jpg)
അതായത് 2011 - 2016 കാലഘട്ടത്തിലെ യുഡിഎഫ് സര്ക്കാരിന്റെ കാലത്തുള്ള വെബ്സൈറ്റാണിതെന്നും അന്നത്തെ പൊതുമരാമത്ത് മന്ത്രി വി കെ ഇബ്രാംഹിം കുഞ്ഞിന്റെ പേഴ്സണല് സ്റ്റാഫ് അംഗങ്ങളുടെ ലിസ്റ്റാണിതെന്നും മനസിലാക്കാനാകും. ഇത് ഉറപ്പാക്കുന്നതിനായി യുഡിഎഫ് സര്ക്കാരിന്റെ കാലത്ത് പബ്ലിക് റിലേഷനന്സ് വകുപ്പ് (കേരള പിആര്ഡി) പുറത്തിറക്കിയ മീഡിയ ഹാന്ഡ് ബുക്ക് ഞങ്ങള് പരിശോധിച്ചു. 2014ലെ മീഡിയ ഹാന്ഡ് ബുക്കില് അന്നത്തെ മന്ത്രി വി കെ ഇബ്രാഹിം കുഞ്ഞിന്റെ പേഴ്സണല് സ്റ്റാഫിന്റെ ലിസ്റ്റ് കണ്ടെത്തി. പ്രചരിക്കുന്ന ഫേസ്ബുക്ക് പോസ്റ്റിലുള്ള പ്രൈവറ്റ് സെക്രട്ടറി കെടി കുഞ്ഞിമുഹമ്മദ്, സ്പെഷ്യല് പ്രൈവറ്റ് സെക്രട്ടറി എം വി സിദ്ദിഖ് ഉള്പ്പെടെയുള്ള പേരുകള് ഇതിലും സമാനമാണ്. ഇതില് നിന്നുള്ള സ്ക്രീന് ഷോട്ട് തഴെ കാണാം.
.jpg)
പഴയ ലിസ്റ്റാണിതെന്ന് കണ്ടെത്തിയെങ്കിലും മന്ത്രി മുഹമ്മദ് റിയാസിന്റെ പേഴ്സണല് സ്റ്റാഫംഗങ്ങളുടെ വിവരവും ഞങ്ങള് അന്വേഷിച്ചു. മന്ത്രിയുടെ സ്റ്റാഫിന്റെ വിശദാംശങ്ങള് ഉള്പ്പെടുന്ന സര്ക്കാര് വെബ്സൈറ്റ് പരിശോധിച്ചപ്പോള് പുതിയ ലിസ്റ്റ് കാണാനായി. ഇത് ചുവടെ ചേര്ക്കുന്നു.
.jpg)
കൂടുതല് വിശദീകരണത്തിനായി മന്ത്രിയുടെ അസിസ്റ്റന്റ് പ്രൈവറ്റ് സെക്രട്ടറി കെ രതീഷിനെ ഞങ്ങള് ബന്ധപ്പെട്ടു. അദ്ദേഹം നല്കിയ വിവരം അനുസരിച്ച് ഇത് തെറ്റിദ്ധരിപ്പിക്കുന്ന സന്ദേശമാണ്. ' പ്രചരിക്കുന്ന ലിസ്റ്റ് പഴയതാണ്. ആ ലിസ്റ്റ് ഉള്പ്പെട്ടിട്ടുള്ള വെബ്സൈറ്റില് അപ്ഡേറ്റ് ചെയ്ത തിയതി വ്യക്തമാക്കിയിട്ടുണ്ടല്ലോ. മാത്രമല്ല മന്ത്രി മുഹമ്മദ് റിയാസിന്റെ സ്റ്റാഫംഗങ്ങളുടെ വിവരം സര്ക്കാര് വെബ്സൈറ്റില് ലഭ്യവുമാണ്. ഇവ താരതമ്യം ചെയ്താല് തന്നെ മനസിലാക്കാനാകും പ്രചരിക്കുന്നത് വ്യാജ വാര്ത്തയാണെന്ന്. രണ്ടു ദിവസമായുള്ള പ്രചരണത്തെ തുടര്ന്ന് അഡിഷണല് പ്രൈവറ്റ് സെക്രട്ടറി ഡി ജദഗീഷ് ഒരു ഫേസ്ബുക്ക് കുറിപ്പ് പങ്കുവച്ചിരുന്നു.
തെറ്റിദ്ധാരണ പരത്തുന്ന സന്ദേശങ്ങള് വ്യാപകമായപ്പോള് മന്ത്രി തന്നെ ഇക്കാര്യം വ്യക്തമാക്കി ഔദ്യോഗിക ഫേസ്ബുക്ക് പേജിലൂടെ വിശദീകരണം നല്കിയിട്ടുുണ്ട്. ഇത് താഴെ കാണാം. ലഭ്യമായ വിവരങ്ങളില് നിന്ന് പൊതുമരാമത്ത് മന്ത്രി അഡ്വ. പി.എ.മുഹമ്മദ് റിയാസിന്റെ പേഴ്സണല് സ്റ്റാഫംഗങ്ങളുടെ ലിസ്റ്റ് എന്ന രീതിയില് പ്രചരിക്കുന്നത് യുഡിഎഎഫ് സര്ക്കാരിന്റെ കാലത്തെ ലിസ്റ്റാണെന്ന് വ്യക്തമാണ്.
from Kerala || Deshabhimani Online News https://ift.tt/3F0Ea7X
via IFTTT
No comments:
Post a Comment