തിരുവനന്തപുരം
സ്ത്രീധനമെന്ന ദുരാചാരത്തിനെതിരായ ആശയപ്രചാരണത്തിന്റെ ഭാഗമായി വെള്ളിയാഴ്ച ഡിവൈഎഫ്ഐ നേതൃത്വത്തിൽ സംസ്ഥാനത്തൊട്ടാകെ ജാഗ്രതാ സദസ്സുകൾ സംഘടിപ്പിക്കും. എല്ലാ ജില്ലാ കേന്ദ്രങ്ങളിലുമാണ് പരിപാടി.നിയമംമൂലം സ്ത്രീധനം നിരോധിച്ചിട്ട് ആറു പതിറ്റാണ്ട് കഴിഞ്ഞിട്ടും പല രൂപത്തിലും അളവിലും സ്ത്രീധനം കൊടുക്കുകയും വാങ്ങുകയും ചെയ്യപ്പെടുന്നുണ്ട്. ഇപ്പോഴും ഈ ദുരാചാരം പെൺകുട്ടികളുടെ ജീവനെടുക്കുകയാണ്. പെൺകുട്ടികൾ വിവാഹ കമ്പോളത്തിലെ ചരക്കല്ലെന്ന് ഉറക്കെ പ്രഖ്യാപിക്കേണ്ടതുണ്ട്. ഇനിയൊരു ജീവനും സ്ത്രീധനത്തിന്റെ പേരിൽ നഷ്ടപ്പെടരുത്. സാമൂഹ്യവിപത്തായി കണ്ട് അഭിസംബോധന ചെയ്യേണ്ട ഗൗരവതരമായ വിഷയമാണിത്.
ഈ സാഹചര്യത്തിലാണ് സംസ്ഥാന വ്യാപകമായി ഡിവൈഎഫ്ഐ ജാഗ്രതാസദസ്സുകൾ സംഘടിപ്പിക്കുന്നത്. സാമൂഹ്യ–--സാംസ്കാരിക- –-മാധ്യമ രംഗത്തെ പ്രമുഖർ പങ്കെടുക്കുന്ന പരിപാടി കോവിഡ് മാനദണ്ഡങ്ങൾ പാലിച്ചാകും സംഘടിപ്പിക്കുക.
from Kerala || Deshabhimani Online News https://ift.tt/2SRGrQ7
via IFTTT
No comments:
Post a Comment