കണ്ണൂർ> ഉത്തർപ്രദേശിലേക്ക് ട്രെയിൻ ആവശ്യപ്പെട്ട് അതിഥി തൊഴിലാളികളുടെ പ്രതിഷേധം. ചൊവ്വാഴ്ച രാവിലെ 10.30 ഓടെ കണ്ണൂർ റെയിൽവേ സ്റ്റേഷനിലാണ് നൂറോളം അതിഥി തൊഴിലാളികൾ കൂട്ടമായെത്തിയത്. വളപട്ടണത്തെ ലേബർ ക്യാമ്പിൽ കഴിയുന്ന ഇവർ റെയിൽപാളത്തിലൂടെ നടന്നെത്തുകയായിരുന്നു.
ആരോ തെറ്റിദ്ധരിപ്പിച്ച് ഇളക്കിവിടുകയായിരുന്നെന്നു സംശയിക്കുന്നു. സ്റ്റേഷനിലെത്തി ട്രെയിൻ ഇല്ലെന്ന് അറിഞ്ഞതോടെ ഇവർ പ്രതിഷേധിച്ചു. ജോലിയൊന്നുമില്ലാതെ തുടരുന്നതിൽ കാര്യമില്ലെന്നും നാട്ടിൽ കുടുംബം കഷ്ടത്തിലാണെന്നും ചിലർ പറഞ്ഞു. സാമൂഹ്യ അകലം പാലിക്കാതെ തൊഴിലാളികൾ കൂട്ടമായി പ്രതിഷേധിക്കാൻ തുടങ്ങിയതോടെ പൊലീസ് സംഭവ സ്ഥലത്തെത്തി.
ജില്ലാ പൊലീസ് മേധാവി യതീഷ് ചന്ദ്ര, കണ്ണൂർ ഡിവൈഎസ്പി പി പി സദാനന്ദൻ, തഹസിൽദാർ വി എം സജീവൻ എന്നിവർ തൊഴിലാളികളുമായി സംസാരിച്ചു. അടുത്ത ദിവസം തന്നെ യുപിയിലേക്ക് ട്രെയിൻ പുറപ്പെടുമെന്ന് ഉറപ്പു നൽകി. തൊഴിലാളികളെ അനുനയിപ്പിച്ച് കെഎസ്ആർടിസി ബസ്സിൽ ലേബർ ക്യാമ്പിലേക്ക് കൊണ്ടുപോയി.
from Kerala || Deshabhimani Online News https://ift.tt/36aKLMo
via IFTTT
No comments:
Post a Comment