ഭൂരഹിതരായ മുഴുവൻ ആദിവാസികൾക്കും ഒമ്പത് മാസത്തിനകം ഭൂമി നൽകുമെന്നും മന്ത്രി എ കെ ബാലൻ അറിയിച്ചു. ഇതോടെ ആദിവാസി ഭൂ പ്രശ്നം പരിഹരിക്കും. ഇക്കാര്യത്തിൽ കേരളം രാജ്യത്തിന‌് മാതൃകയാകുമെന്നും അദ്ദേഹം ബി ഡി ദേവസ്സിയുടെ സബ‌്മിഷന‌് മറുപടിയായി പറഞ്ഞു.
പതിനായിരത്തിലേറെ കുടുംബത്തിനാണ് ഭൂമി നൽകേണ്ടത്. 14,930 ഏക്കർ വനഭൂമി ലഭ്യമാണ്. ഇതിൽ 8000 ഏക്കറാണ് വാസയോഗ്യം. അതിൽ 6000 ഏക്കർ നൽകാനാകും. ആദിവാസി ഭൂപ്രശ‌്നം പരിഹരിക്കുന്നതിന‌് മുഖ്യമന്ത്രിയുടെ സാന്നിധ്യത്തിൽ യോഗം ചേരും. എസ‌്സ‌ി, എസ‌്ടി, റവന്യൂ, വനം മന്ത്രിമാരും ഉദ്യോഗസ്ഥരും പങ്കെടുക്കും.
അതിരപ്പിള്ളി മേഖലയിലെ കാടർവിഭാഗത്തിന‌് താമസസ്ഥലത്തിനോട‌് ചേർന്ന‌് കൂടുതൽ ഭൂമി നൽകാനാകുമോ എന്ന‌് പരിശോധിക്കുമെന്നും അദ്ദേഹം പറഞ്ഞു.
from Kerala || Deshabhimani Online News http://bit.ly/2Xd4826
via IFTTT
No comments:
Post a Comment