പത്തനംതിട്ട റാന്നിയിൽ കനത്ത മഴ; മൂന്ന് വീട് തകർന്നു

പത്തനംതിട്ട > വേനൽ മഴയിൽ കനത്ത നാശം. റാന്നിയിൽപെയ്ത വേനൽ മഴയിലാണ് കനത്ത നാശനഷ്ടം റിപ്പോർട്ട് ചെയ്തിരിക്കുന്നത്. മൂന്ന് വീടുകൾ പൂർണ്ണമായും തകർന്നു. 100ലേറെ വീടുകൾ ഭാഗികമായി നശിച്ചിട്ടുണ്ട്. നിരവധി സ്ഥലത്ത് മരം കടപുഴകി വീണിട്ടുണ്ട്. വൈദ്യുതി ബന്ധം വിവിധയിടങ്ങളിൽ താറുമാറായതായും റിപ്പോർട്ടുണ്ട്.

പത്തനംതിട്ട ജില്ലയിൽ വേനൽ മഴ ലഭിച്ചേക്കുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ് ഉണ്ടായിരുന്നു. ഏപ്രിൽ പകുതിയോടെ സംസ്ഥാനത്ത് ഇപ്പോൾ അനുഭവിക്കുന്ന ചൂടിന് ശമനം ഉണ്ടായേക്കും. ചൊവ്വ, ബുധൻ ദിവസങ്ങളിൽ സംസ്ഥാനത്തെ വിവിധയിടങ്ങളിൽ വ്യാപകമായി മഴപെയ്യുമെന്നും കാലാവസ്ഥാ നിരീക്ഷണ കേന്ദ്രം വ്യക്തമാക്കിയിരുന്നു.

അതേസമയം ചൂട് നിലനിൽക്കുന്ന സ്ഥലങ്ങളിൽ രാവിലെ 11 മുതൽ വൈകിട്ട് 3 വരെയുള്ള സമയങ്ങളിൽ വെയിൽ നേരിട്ടേൽക്കരുതെന്ന് നിർദ്ദേശമുണ്ട്.

from Kerala || Deshabhimani ​Online ​News http://bit.ly/2XjheKF
via IFTTT