തിരുവനന്തപുരം > സിപിഐ എം സംസ്ഥാന കമ്മിറ്റി യോഗം എ കെ ജി സെന്ററിൽ ആരംഭിച്ചു. വൈക്കത്തഷ്ടമി ഉത്സവത്തിനിടെ ആർഎസ്എസ‌്‌ ക്രിമിനൽ സംഘം കൊലപ്പെടുത്തിയ ഡിവൈഎഫ്ഐ മേക്കര യൂണിറ്റ് അംഗം ശ്യാംകുമാറിന്റെ വേർപാടിൽ സംസ്ഥാന കമ്മിറ്റി അനുശോചിച്ചു.
സിപിഐ എം വെള്ളറട ഏരിയ കമ്മിറ്റി അംഗം എൻ അഭിമന്യു, ബാലുശേരി ഏരിയ കമ്മിറ്റി അംഗം ടി കെ ശ്രീധരൻ, ചേലക്കര ഏരിയ കമ്മിറ്റി അംഗമായിരുന്ന ടി വി ജനാർദനൻ, മുളക്കുഴി ലോക്കൽ സെക്രട്ടറിയായിരുന്ന വി വാസുദേവൻ, ദേശാഭിമാനി സീനിയർ എഡിറ്റർ ആയിരുന്ന എ കെ ഗോപാലകൃഷ്ണൻ, തൃണമൂൽ കോൺഗ്രസുകാരുടെ വെടിവയ‌്പിൽ കൊല്ലപ്പെട്ട പശ്ചിമബംഗാളിലെ നിത്യഗോപാൽ ബാലക്, ചലച്ചിത്ര, നാടക, സീരിയൽ നടന്മാരായ ഗീഥാ സലാം, കെ എൽ ആന്റണി, മുൻ മന്ത്രി സി എൻ ബാലകൃഷ്ണൻ, മുൻ കേന്ദ്രമന്ത്രി ജാഫർ ഷെരീഫ്, സംവിധായകൻ ബർണാഡോ ബെർത്തലൂച്ചി എന്നിവരുടെ നിര്യാണങ്ങളിലും സംസ്ഥാന കമ്മിറ്റി ദുഃഖവും അനുശോചനവും രേഖപ്പെടുത്തി.
കേന്ദ്ര കമ്മിറ്റി അംഗം എ വിജയരാഘവൻ അധ്യക്ഷനായി. യോഗം ഞായറാഴ‌്ചയും തുടരും.
from Kerala || Deshabhimani Online News http://bit.ly/2SeK0dm
via IFTTT
No comments:
Post a Comment