തന്‍റെ പൂച്ചയെ മോഷ്ടിച്ചെന്ന് സംശയത്തില്‍ അയല്‍വാസിയുടെ പ്രാവുകളെ വിഷം കൊടുത്ത് കൊലപ്പെടുത്തി യുവാവ്.
ഉത്തര്‍ പ്രദേശിലെ താന സദര്‍ ബസാറിലാണ് സംഭവം. സംഭവത്തില്‍ മൂന്ന് പേര്‍ക്കെതിരെ പൊലീസ് കേസെടുത്തു. താന സദര്‍ ബസാറിലെ മൊഹല്ല അമന്‍സായില്‍ താമസിക്കുന്ന ആബിദ് എന്ന യുവാവാണ് തന്‍റെ അയല്‍വാസിയായ അലിയുടെ പ്രാവുകളെ കൂട്ടത്തോടെ കൊന്നൊടുക്കിയത്. കഴിഞ്ഞ ചൊവ്വാഴ്ചയാണ് ദാരുണമായ സംഭവം നടന്നത്.
ആബിദിന്‍റെ വളര്‍ത്തു പൂച്ചയെ അടുത്തിടെ കാണാതായിരുന്നു. പൂച്ചയെ അലി കൊലപ്പെടുത്തിയെന്നാണ് ആബിദ് കരുതിരിയിരുന്നത്. ഇതിന്‍റെ പ്രതികാരമായാണ് ഇയാള്‍ പ്രാവുകളെ വിഷം കൊടുത്ത് കൊലപ്പെടുത്തിയതെന്ന് പൊലീസ് പറഞ്ഞു. പക്ഷി സ്നേഹിയായ അലിയുടെ വീട്ടില്‍ 78 ഓളം പ്രാവുകളുണ്ട്. ഇതില്‍ 30 പ്രാവുകളാണ് വിഷം ഉള്ളില്‍ ചെന്ന് ചത്തത്. പ്രാവുകള്‍ക്കുള്ള തീറ്റയില്‍ ആബിദ് വിഷം കലര്‍ത്തിയതാണെന്നാണ് പ്രാഥമിക വിവരം.
വിഷം ഉള്ളില്‍ ചെന്ന് നിരവധി പ്രാവുകള്‍ ഗുരുതരാവസ്ഥയിലാണ്. പ്രാവുകള്‍ കൂട്ടത്തോടെ ചത്തതോടെ സംശയം തോന്നിയ അലി തീറ്റ പരിശോധിച്ചപ്പോഴാണ് വിഷം കലര്‍ന്നതായി കണ്ടെത്തിയത്. തുടര്‍ന്ന് പൊലീസില്‍ പരാതി നല്‍കുകയായിരുന്നു. പൊലീസ് നടത്തിയ അന്വേഷണച്ചിലാണ് ആബിദാണ് പ്രാവുകള്‍ക്കുള്ള തീറ്റയില്‍ വിഷം കലര്‍ത്തിയതെന്ന് കണ്ടെത്തിയത്. ഇതോടെ ആബിദിനും രണ്ട് കൂട്ടാളികള്‍ക്കുമെതിരെ പൊലീസ് കേസെടുക്കുകയായിരുന്നു. ചത്ത പ്രാവുകളെ പോസ്റ്റ്‌മോര്‍ട്ടത്തിന് അയച്ചതായി അഡീഷണല്‍ പൊലീസ് സൂപ്രണ്ട് സഞ്ജയ് കുമാര്‍ പറഞ്ഞു. അതിനിടെ അലിയുടെ കാണാതായ പൂച്ച തിരിച്ചെത്തിയിട്ടുമുണ്ട്.
The post തന്‍റെ പൂച്ചയെ മോഷ്ടിച്ചെന്ന് സംശയത്തില്‍ അയല്‍വാസിയുടെ പ്രാവുകളെ വിഷം കൊടുത്ത് കൊലപ്പെടുത്തി യുവാവ് appeared first on ഇവാർത്ത | Evartha.
from ഇവാർത്ത | Evartha https://ift.tt/SLdwnlV
via IFTTT
No comments:
Post a Comment