റെ​യി​ല്‍​വേ ബോ​ര്‍​ഡ്​ നാ​ലു​ത​വ​ണ ക​ത്ത​യ​ച്ചി​ട്ടും വി​ശ​ദാം​ശ​ങ്ങ​ള്‍ കൈ​മാ​റാ​തെ കെ-​റെ​യി​ൽ

തി​രു​വ​ന​ന്ത​പു​രം: സി​ല്‍​വ​ര്‍ ലൈ​നി​ല്‍ റെ​യി​ല്‍​വേ ഭൂ​മി വി​ട്ടു​കി​ട്ട​ല്‍ നി​ര്‍​ണാ​യ​ക​മാ​ണെ​ന്നി​രി​ക്കെ വി​വ​ര​ങ്ങ​ളാ​രാ​ഞ്ഞ്​ റെ​യി​ല്‍​വേ ബോ​ര്‍​ഡ്​ നാ​ലു​ത​വ​ണ ക​ത്ത​യ​ച്ചി​ട്ടും വി​ശ​ദാം​ശ​ങ്ങ​ള്‍ കൈ​മാ​റാ​തെ കെ-​റെ​യി​ല്‍.

2020 ജൂ​ണി​ല്‍ ഡി.​പി.​ആ​ര്‍ സ​മ​ര്‍​പ്പി​ച്ചെ​ങ്കി​ലും ബോ​ര്‍​ഡ്​ ആ​വ​ശ്യ​പ്പെ​ട്ട സാ​​​ങ്കേ​തി​ക വി​വ​ര​ങ്ങ​ള്‍ ന​ല്‍​കാ​ന്‍ കെ-​റെ​യി​ലി​ന്​ സാ​ധി​ച്ചി​ട്ടി​ല്ല. പാ​തി​വ​ഴി​യി​ല്‍ മു​ട​ങ്ങി​യ സാ​മൂ​ഹി​കാ​ഘാ​ത പ​ഠ​നം പു​ന​രാ​രം​ഭി​ക്കു​ന്ന​തി​ലാ​ണ്​ ധി​റു​തി. ഡി.​പി.​ആ​റി​ലെ സം​ശ​യ​ങ്ങ​ള്‍ ദൂ​രീ​ക​രി​ക്കു​ന്ന​തി​നു​​ള്ള വി​ശ​ദാം​ശ​ങ്ങ​ള്‍​ക്കാ​യി 2021 ജൂ​​ലൈ 11 നാ​ണ്​ ​ആ​ദ്യ ക​ത്ത്​ കെ-​റെ​യി​ലി​ന്​ ന​ല്‍​കി​യ​ത്.

ആ​വ​ശ്യ​മു​ള്ള റെ​യി​ല്‍​വേ ഭൂ​മി​യു​ടെ ലൈ​ന്‍ ഡ​യ​ഗ്ര​മും സ്​​കെ​ച്ചും സ്​​റ്റേ​ഷ​നു​ക​ളു​ടെ ഭൂ​മി​ശാ​സ്ത്ര വി​വ​ര​ങ്ങ​ളും മാ​ത്രം​ തു​ട​ക്ക​ത്തി​ല്‍ കെ-​റെ​യി​ല്‍ ന​ല്‍​കു​ക​യാ​യി​രു​ന്നു. എ​ന്നാ​ല്‍, ഈ ​വി​വ​ര​ങ്ങ​ള്‍ വെ​ച്ച്‌​ മാ​ത്രം റെ​യി​ല്‍​വേ ഭൂ​മി വി​നി​യോ​ഗം സം​ബ​ന്ധി​ച്ച്‌​ കൃ​ത്യ​മാ​യി നി​ഗ​മ​ന​ത്തി​ലെ​ത്താ​നാ​കി​ല്ലെ​ന്നും വി​ശ​ദ പ്ര​പ്പോ​സ​ല്‍ ന​ല്‍​ക​ണ​മെ​ന്നു​മാ​യി​രു​ന്നു ബോ​ര്‍​ഡ്​ നി​ല​പാ​ട്.

ഡി.​പി.​ആ​റി​ല്‍ റെ​യി​ല്‍​വേ ഭൂ​മി​യു​ടെ ലൊ​​ക്കേ​ഷ​ന്‍ അ​ടി​സ്ഥാ​ന​പ്പെ​ടു​ത്തി​യ വി​വ​ര​ങ്ങ​ളി​ല്ല. നി​ല​വി​ലു​ള്ള​തും ഒ​പ്പം ഇ​നി നി​ര്‍​ദേ​ശി​ച്ച​തു​മാ​യ പാ​ത സൂ​ചി​പ്പി​ക്കു​ന്ന അ​ലൈ​ന്‍​മെന്‍റ്​ വി​ശ​ദാം​ശ​ങ്ങ​ള്‍ ഉ​ള്‍​​പ്പെ​ടു​ത്തി​യി​ട്ടി​​ല്ലെ​ന്നും ബോ​ര്‍​ഡ്​ വ്യ​ക്ത​മാ​ക്കി​യി​രു​ന്നു. തു​ട​ര്‍​ന്ന്​ 2021 ആ​ഗ​സ്​​റ്റ്​ എ​ട്ട്, 2021 ഒ​ക്​​ടോ​ബ​ര്‍ 22, 2022 ​മേ​യ്​ അ​ഞ്ച്​ തീ​യ​തി​ക​ളി​ലും ബോ​ര്‍​ഡ്​ ക​ത്ത​യ​ച്ചു. ഈ ​ക​ത്തു​വി​വ​ര​ങ്ങ​ളെ​ല്ലാം ചൂ​ണ്ടി​ക്കാ​ട്ടി​യും​ രേ​ഖ​ക​ള്‍ എ​ത്ര​യും വേ​ഗം ന​ല്‍​ക​ണ​മെ​ന്നാ​വ​ശ്യ​പ്പെ​ട്ടും ക​ഴി​ഞ്ഞ ആ​ഗ​സ്​​റ്റ്​ 30നും ​ക​ത്ത്​ ന​ല്‍​കി​യി​ട്ടു​ണ്ട്.

സാ​മ്ബ​ത്തി​ക വി​ഹി​ത​മാ​യി 2180 കോ​ടി​യും 975 കോ​ടി രൂ​പ വി​ല​വ​രു​ന്ന 185 ഹെ​ക്ട​ര്‍ ഭൂ​മി​യും അ​ട​ക്കം 3125 കോ​ടി​യാ​ണ്​ റെ​യി​ല്‍​വേ വി​ഹി​ത​മാ​യി കെ-​റെ​യി​ല്‍ പ്ര​തീ​ക്ഷി​ച്ചി​രു​ന്ന​ത്. സാ​മ്ബ​ത്തി​ക പ്ര​തി​സ​ന്ധി ചൂ​ണ്ടി​ക്കാ​ട്ടി 2180 കോ​ടി വി​ഹി​ത​ത്തി​ല്‍​നി​ന്ന്​ റെ​യി​ല്‍​വേ നേ​ര​ത്തേ പി​ന്മാ​റി​യി​രു​ന്നു. എ​ങ്കി​ലും സം​യു​ക്ത സം​രം​ഭ​മെ​ന്ന നി​ല​യി​ല്‍ 185 ഹെ​ക്​​ട​ര്‍ ഭൂ​മി വി​ട്ടു​കി​ട്ടു​മെ​ന്ന​താ​യി​രു​ന്നു പ്ര​തീ​ക്ഷ. ഈ ​വ​ഴി​യും അ​ട​യു​ന്ന നി​ല​യി​ലാ​ണ്​ സാ​ഹ​ച​ര്യ​ങ്ങ​ള്‍. തി​രൂ​ര്‍ മു​ത​ല്‍ കാ​സ​ര്‍​കോ​ടു​വ​രെ നി​ല​വി​ലെ പാ​ത​​ക്ക്​ സ​മാ​ന്ത​ര​മാ​യി റെ​യി​ല്‍​വേ ഭൂ​മി​യി​ലൂ​ടെ​യാ​ണ്​ സി​ല്‍​വ​ര്‍ ലൈ​ന്‍ വി​ഭാ​വ​നം ചെ​യ്​​തി​രി​ക്കു​ന്ന​ത്.

The post റെ​യി​ല്‍​വേ ബോ​ര്‍​ഡ്​ നാ​ലു​ത​വ​ണ ക​ത്ത​യ​ച്ചി​ട്ടും വി​ശ​ദാം​ശ​ങ്ങ​ള്‍ കൈ​മാ​റാ​തെ കെ-​റെ​യി​ൽ appeared first on ഇവാർത്ത | Evartha.

from ഇവാർത്ത | Evartha https://ift.tt/mFcAnGs
via IFTTT