കൊച്ചി > ഔഷധി ചെയർമാൻ ഡോ. കെ ആർ വിശ്വംഭരൻ (72) അന്തരിച്ചു. രാവിലെ പത്തോടെ ആലുവയിലെ സ്വകാര്യ ആശുപത്രിയിലായിരുന്നു അന്ത്യം. കാർഷിക സർവകലാശാല മുൻ വൈസ് ചാൻസലറാണ്. എറണാകുളം, ആലപ്പുഴ ജില്ലാ കലക്ടറായും പ്രവർത്തിച്ചിട്ടുണ്ട്.
അച്ചുതൻ, തങ്കമ്മ എന്നിവരുടെ മകനായി മാവേലിക്കരയിലാണ് ജനനം. മാവേലിക്കര ബിഷപ്പ് മൂർ കോളേജ്, എറണാകുളം മഹാരാജാസ് കോളേജ്, എറണാകുളം ഗവ. ലോ കോളേജ് എന്നിവിടങ്ങളിലായിരുന്നു വിദ്യാഭ്യാസം. കാനറാ ബാങ്കിൽ ഓഫീസർ ആയി തുടക്കം. പിന്നീട് ഫോർട്ട്കൊച്ചി തഹസിൽദാർ, പ്രോട്ടോക്കോൾ ഓഫീസർ, ഫോർട്ട്കൊച്ചി ആർഡിഒ, എറണാകുളം ജില്ലാ കലക്ടർ, ആലപ്പുഴ ജില്ലാ കലക്ടർ, ഡെപ്യൂട്ടി ഡയറക്ടർ ഹയർ എഡ്യൂക്കേഷൻ, ടെൽക്, റബ്ബർ മാർക്കറ്റ് എം.ഡി എന്നീ നിലകളിൽ പ്രവർത്തിച്ചു. കാർഷിക സർവ്വകലാശാല വൈസ് ചാൻസലറായി വിരമിച്ചു. കുറച്ചുകാലം എറണാകുളത്ത് അഭിഭാഷകനായി പ്രവർത്തിച്ചിട്ടുണ്ട്.
ദീർഘകാലം മഹാരാജാസ് കോളേജ് ഓൾഡ് സ്റ്റുഡന്റ്സ് അസോസിയേഷൻ പ്രസിഡന്റായി പ്രവർത്തിച്ചു. കൊച്ചി കാൻസർ സെന്ററിനായി വി ആർ കൃഷ്ണയ്യർ മൂവ്മെന്റ് നീക്കങ്ങൾ നടത്തിയപ്പോൾ അതിന്റെ വൈസ് ചെർമാനായി പ്രവർത്തിച്ചു. ഭാര്യ: കോമളം (എസ്ബിഐ റിട്ട.). മക്കൾ: അഭിരാമൻ, അഖില. മരുമക്കൾ: അഭികൃഷ്ണൻ, ഷബാന.
from Kerala || Deshabhimani Online News https://ift.tt/39dEceh
via IFTTT
No comments:
Post a Comment