പി ബി നായർ നിര്യാതനായി

പെരിന്തൽമണ്ണ > പാലമ്പള്ളിയാലിൽ പി ബി നായർ ( ബാലകൃഷ്ണൻ നായർ ‐ഭൂട്ടാൻ മാസ്റ്റർ‐ 89) നിര്യാതനായി.
വിവിധ പ്രശസ്ത വിദ്യാലയങ്ങളുടെ വളർച്ചയിൽ മുഖ്യപങ്ക് വഹിക്കുകയും ഭൂട്ടാനിലെ വിശിഷ്ട സേവനത്തിന് ഭൂട്ടാൻ രാജാവിൽ നിന്ന് സ്വർണ മെഡലുകൾ നേടുകയും ചെയ്തിട്ടുണ്ട്. പെരിന്തൽമണ്ണയിലെ സ്വകാര്യ ആശുപത്രിയിൽ ചൊവ്വാഴ്ച പുലർച്ചെയാണ് അന്ത്യം.

എരവിമംഗലത്ത് അദ്ധ്യാപകനായി ഔദ്യോഗിക ജീവിതം ആരംഭിച്ചു, തുടർന്ന് ഭൂട്ടാനിലേക്ക് മാറി അവിടെ പ്രിൻസിപ്പലായി ചേർന്നു. മികച്ച പ്രിൻസിപ്പലിനുള്ള ഭൂട്ടാൻ രാജാവിൻറെ രണ്ട് സ്വർണ്ണ മെഡലുകൾ നേടി.

അദ്ദേഹം തിരിച്ചെത്തി എം ഇ എസ് കോളേജിൽ പ്രിൻസിപ്പലായി ചേർന്നു. രാജ റെസിഡൻസി സ്കൂളിലും, ഐ എസ് എസ് സീനിയർ സെക്കൻഡറി സ്കൂൾ പെരിന്തൽമണ്ണ വള്ളുവനാട് വിദ്യാഭവനിലും പ്രിൻസിപ്പലായി ജോലി ചെയ്തു.

ഉന്നതവിദ്യാഭ്യാസ രംഗത്തെ അന്വേഷണങ്ങൾക്ക് നിരവധി വിദ്യാർത്ഥികൾക്കും ഗവേഷകർക്കും അദ്ദേഹം വഴികാട്ടിയായിരുന്നു. ഭൂട്ടാനിൽ നിന്ന് മടങ്ങിയെത്തിയപ്പോൾ, തന്റെ ജന്മഗ്രാമത്തിൽ ഒരു സ്കൂൾ ആരംഭിക്കാൻ അദ്ദേഹം നിരവധി ആളുകളെ കണ്ടു. രണ്ട് നോവലുകളും പ്രസിദ്ധീകരിക്കാത്ത ഏതാനും നാടകങ്ങളും ഉൾപ്പെടെ ഏതാനും പുസ്തകങ്ങൾ എഴുതി. എരവിമംഗലം വായനശാലയിലെ സജീവ അംഗമായിരുന്ന അദ്ദേഹം നാടകങ്ങൾക്ക് സ്ക്രിപ്റ്റ് തയ്യാറാക്കിയിരുന്നു.

ഭാര്യ എരവമിംഗലം സ്കൂളിലെ അധ്യാപികയായിരുന്ന പരേതയായ മാധവിക്കുട്ടി. മക്കൾ:ഗീത നാരായണൻ (തൃപ്പൂണിത്തറ) പ്രീത ( ലണ്ടൻ ) പ്രകാശ് (ജർമ്മനി)

from Kerala || Deshabhimani ​Online ​News https://ift.tt/3CJcvaW
via IFTTT