ആലപ്പുഴ
ന്യൂ ജെൻ ബൈക്കിൽ രണ്ട് മാസം മുമ്പ് അമിതവേഗത്തിൽ പാഞ്ഞ് വീഡിയോ ഇൻസ്റ്റഗ്രാമിൽ പോസ്റ്റ് ചെയ്ത യുവാവിനെ കണ്ടെത്തി മോട്ടോർ വാഹന വകുപ്പ് ഉദ്യോഗസ്ഥർ പിഴ ചുമത്തി. അമിതവേഗതയിൽ വാഹനം ഓടിക്കുന്നവരെ പിടികൂടാൻ നടപ്പാക്കിയ ഓപ്പറേഷൻ റാഷ് വഴിയാണ് ചെങ്ങന്നൂർ കാരക്കാട് ക്രിസ്റ്റി വില്ലയിൽ ജെസ്റ്റിനെ കണ്ടെത്തി 9500 രൂപ പിഴയിട്ടത്.
രണ്ട് മാസം മുമ്പ് എംസി റോഡിൽ മുളക്കുഴ–-കാരക്കാട് റൂട്ടിൽ ഡ്യൂക്ക് 390 ബൈക്കിൽ മണിക്കൂറിൽ 160 കിലോമീറ്റർ വേഗതയിൽ ജെസ്റ്റിൻ പാഞ്ഞു. ഹെൽമെറ്റ് ക്യാമിൽ ഇത് ഷൂട്ട് ചെയ്ത് ഇൻസ്റ്റഗ്രാമിൽ പോസ്റ്റ് ചെയ്തു. ഈ ദൃശ്യങ്ങൾ ശ്രദ്ധയിൽപ്പെട്ട ആൾ മോട്ടോർ വാഹന വകുപ്പിനെ അറിയിച്ചു. അന്വേഷണത്തിനൊടുവിൽ യുവാവിനെ കണ്ടത്തി ഉദ്യോഗസ്ഥർ പിഴ ചുമത്തി. എംവിഐ കെ ദിലീപ്കുമാർ, എഎംവിഐമാരായ വീനീത്, അജീഷ്, ജിതിൻ, ചന്തു എന്നിവർ പരിശോധനയിൽ പങ്കെടുത്തു. ഒപ്പറേഷൻ റാഷുമായി ബന്ധപ്പെട്ട പരാതികൾ ശ്രദ്ധയിൽപ്പെട്ടാൽ മോട്ടോർ വാഹനവകുപ്പിനെ അറിയിക്കാം. പരാതി നൽകേണ്ട വാട്സ്ആപ് നമ്പർ 9188961004.
from Kerala || Deshabhimani Online News https://ift.tt/3CtyAtR
via IFTTT
No comments:
Post a Comment