കോഴിക്കോട്
സംസ്ഥാന പ്രസിഡന്റ് കെ സുരേന്ദ്രനെ പിന്തുണയ്ക്കുന്നതിനെച്ചൊല്ലി ബിജെപി ജില്ലാ കമ്മിറ്റി യോഗത്തിൽ തർക്കം. അബ്കാരിയായ ധർമരാജനെ സംരക്ഷിക്കുന്ന നിലപാടിലും വിമർശനമുണ്ടായി. ചൊവ്വാഴ്ച രാവിലെ ചേർന്ന ഓൺലൈൻ യോഗത്തിലായിരുന്നു തർക്കമുയർന്നത്.
സുരേന്ദ്രനും ഔദ്യോഗിക പക്ഷത്തിനുമെതിരെ പി കെ കൃഷ്ണദാസ് വിഭാഗക്കാരാണ് വിമർശനമുതിർത്തത്. ജില്ലാ വൈസ് പ്രസിഡന്റ് അഡ്വ. പി സുധീർ, ജനറൽ സെക്രട്ടറി എം മോഹനൻ, ഉത്തരമേഖലാ സെക്രട്ടറി പി ജിജേന്ദ്രൻ എന്നിവർ സുരേന്ദ്രന്റെ ഒറ്റയാൻ ശൈലിയാണ് പാർടിയെ പ്രതിസന്ധിയിലാക്കിയതെന്ന് പറഞ്ഞു. കോഴിക്കോട്ടുകാർക്കെല്ലാം ‘നന്നായി’ അറിയാവുന്ന ധർമരാജനെ ചുമതല ഏൽപ്പിച്ചവരാണ് ഇപ്പോഴത്തെ പ്രശ്നങ്ങളുടെ ഉത്തരവാദിയെന്നും ചൂണ്ടിക്കാട്ടി. ഇതോടെ മറുപക്ഷത്തെ സി ബാലസോമൻ, അജയ് നെല്ലിക്കോട്, കെ പി വിപിൻ എന്നിവർ എതിർത്തു. സുരേന്ദ്രനെ ന്യായീകരിച്ച ഇവർ ജില്ലാ നേതൃത്വം പ്രതിസന്ധിഘട്ടത്തിൽ സംസ്ഥാന പ്രസിഡന്റിനെ പിന്തുണയ്ക്കാതെ ആക്ഷേപ പ്രചാരകരായെന്ന് കുറ്റപ്പെടുത്തി.
ബഹളം രൂക്ഷമായതോടെ സുരേന്ദ്രൻ പക്ഷക്കാരനായ സംസ്ഥാന ജനറൽ സെക്രട്ടറി സി കൃഷ്ണകുമാർ യോഗത്തിൽനിന്ന് വിട്ടുപോയി. അതേസമയം ദേശീയ സമിതി അംഗം പി കെ കൃഷ്ണദാസും സംസ്ഥാന വക്താവ് അഡ്വ. ബി ഗോപാലകൃഷ്ണനും യോഗത്തിൽ പങ്കെടുത്തു.
from Kerala || Deshabhimani Online News https://ift.tt/2TVvAVv
via IFTTT
No comments:
Post a Comment