നിയമസഭയിൽ ഗവർണറുടെ നയപ്രഖ്യാപനം ഇന്ന്‌; ബജറ്റ്‌ നാലിന്‌

തിരുവനന്തപുരം> പതിനഞ്ചാം കേരള നിയമസഭയെ ഗവർണർ ഇന്ന് അഭിസംബോധന ചെയ്യും. രാവിലെ ഒമ്പതിന് ഗവർണർ ആരിഫ് മുഹമ്മദ് ഖാൻ പുതിയ സർക്കാരിന്റെ ആദ്യ നയപ്രഖ്യാപന പ്രസംഗം നടത്തും. മെയ് 31, ജൂൺ 1, 2 തിയതികളിൽ ഗവർണറുടെ പ്രസംഗത്തിനുള്ള നന്ദിപ്രമേയ ചർച്ചയും 3ന് സർക്കാർ കാര്യവും നടക്കും.

നാലിന് പുതുക്കിയ സംസ്ഥാന ബജറ്റും വോട്ട് ഓൺ അക്കൗണ്ടും ധനമന്ത്രി കെ എൻ ബാലഗോപാൽ അവതരിപ്പിക്കും. 7, 8, 9 തിയതികളിൽ ബജറ്റിനെ കുറിച്ച് പൊതു ചർച്ച നടക്കും. 10 നാണ് വോട്ട് ഓൺ അക്കൗണ്ട്. 11ന് സർക്കാർ കാര്യങ്ങളും അനൗദ്യോഗിക കാര്യങ്ങളും നടക്കും. 14ന് ധനവിനിയോഗ രണ്ടാംനമ്പർ ബിൽ പരിഗണിച്ച് സഭ അനിശ്ചിത കാലത്തേക്ക് പിരിയും.

പതിനഞ്ചാം നിയമസഭയുടെ ആദ്യസമ്മേളനം 24നാണ് ആരംഭിച്ചത്. അന്ന് എംഎൽഎമാരുടെ സത്യപ്രതിജ്ഞയും 25ന് സ്പീക്കർ തെരഞ്ഞെടുപ്പും നടന്നു.

from Kerala || Deshabhimani ​Online ​News https://ift.tt/3utl7gq
via IFTTT