'ആദ്യം ചര്‍ച്ച നടത്തിയത് മുല്ലപ്പള്ളി; യുഡിഎഫ് ബന്ധം അവസാനിപ്പിച്ചു': വെല്‍ഫെയര്‍ പാര്‍ട്ടി

കോഴിക്കോട്> വെല്ഫെയര് പാര്ട്ടിയുമായി ആദ്യം ചര്ച്ച നടത്തിയത് കെപിസിസി പ്രസിഡന്റ് മുല്ലപ്പള്ളി രാമചന്ദ്രനായിരുന്നുവെന്ന് വെല്ഫെയര് പാര്ട്ടി സംസ്ഥാന പ്രസിഡന്റ് ഹമീദ് വാണിയമ്പലം. സംസ്ഥാന നേതാക്കളിലെ ഒരു സംഘം തന്നെ അദ്ദേഹവുമായി സംസാരിച്ചു. പാര്ലമെന്റ് തെരഞ്ഞെടുപ്പിന് ശേഷം രൂപപ്പെട്ടുവന്ന സൗഹൃദാന്തരീക്ഷത്തില് അത്തരം നീക്കുപോക്കുകള്ക്ക് അനുകൂലമായ പ്രതികരണമാണ് ഉണ്ടായത്.

യുഡിഎഫ് പരാജയം ഉണ്ടാകുമ്പോള് അതിന്റെ ഉത്തരവാദിത്തം ഉള്ള ആളാണ് മുല്ലപ്പള്ളി. അതില് നിന്നും രക്ഷപ്പെടാന് വെല്ഫെയര് പാര്ട്ടിയെ പഴിചാരുന്നുവെന്നെ ഉള്ളു എന്നും ഹമിദ് മാധ്യമങ്ങളോട് പറഞ്ഞു.

യുഡിഎഫ് ബന്ധം അവസാനിപ്പിച്ചു; ഹമീദ് വ്യക്തമാക്കി. നിയമസഭാ തെരഞ്ഞെടുപ്പില് നീക്കുപോക്കില്ല. തദ്ദേശ തെരഞ്ഞെടുപ്പുമായി ബന്ധപ്പെട്ട നീക്കുപോക്ക് വെറും പ്രാദേശികമായ നീക്കുപോക്ക് മാത്രമായിരുന്നു. രാഷ്ട്രീയ സഖ്യമല്ല, മുന്നണിയുടെ ഭാഗമല്ല; അദ്ദേഹം പറഞ്ഞു.

നിയമസഭ, പാര്ലമെന്റ് തെരഞ്ഞെടുപ്പില് അത്തരമൊരു സഖ്യമില്ല. ഒരുമുന്നണിയുടെ മുന്നിലും മുന്നണി പ്രവേശനത്തിന് വേണ്ടിയിട്ടോ നിയമസഭ തെരഞ്ഞെടുപ്പില് സഖ്യത്തിനോ നീക്കുപോക്കിനോ വേണ്ടിയിട്ടോ സമീപിച്ചിട്ടില്ല.

നിയമസഭ പാര്ലമെന്റ് തെരഞ്ഞെടുപ്പുകളില് തങ്ങള്ക്ക് തങ്ങളുടേതായ രാഷ്ട്രീയമുണ്ട്. നിയമസഭ തെരഞ്ഞെടുപ്പില് രംഗത്തുണ്ടാകും. യുഡിഎഫുമായി ഇപ്പോഴോ നേരത്തേയോ സഖ്യമില്ല.ഇനി നീക്കുപോക്കുമില്ല. അതിന്റെ ആവശ്യമില്ല. തങ്ങളുടെ രാഷ്ട്രീയത്തെ പ്രതിനിധീകരിച്ചുകൊണ്ടുള്ള ഒരു പ്രവര്ത്തന രീതിയായിരിക്കും ഈ തെരഞ്ഞെടുപ്പില് സ്വീകരിക്കുകയെന്നും ഹമീദ് വാണിയമ്പലം പറഞ്ഞു

from Kerala || Deshabhimani ​Online ​News https://ift.tt/35smF0p
via IFTTT