തിരുവനന്തപുരം > അഞ്ചു വര്ഷത്തിനകം 20 ലക്ഷം പേര്ക്കെങ്കിലും ഡിജിറ്റല് പ്ലാറ്റ്ഫോം വഴി തൊഴില് ലഭ്യമാക്കാനുള്ള നടപടി സ്വീകരിക്കുമെന്ന് ധനമന്ത്രി തോമസ് ഐസക്ക്. സന്നദ്ധരായ പ്രഫഷണലുകളുടെയും പരിശീലനം സിദ്ധിച്ചവരുടെയും വിവരങ്ങള് ഡിജിറ്റല് പ്ലാറ്റ്ഫോം വഴി ലഭ്യമാക്കുമെന്നും മന്ത്രി ബജറ്റ് പ്രസംഗത്തില് അറിയിച്ചു.
കോവിഡ് മഹാമാരി തൊഴില്ഘടനയെ അടിമുടി പൊളിച്ചെഴുതി. വീട്ടിലിരുന്നു ജോലി ചെയ്യുന്നത് ഒരു ഫാഷനായി മാറി. കമ്പനികള്ക്ക് കേന്ദ്രീകൃതമോ, വികേന്ദ്രീകൃതമോ ആയി ജോലിക്കാരെ തിരഞ്ഞെടുക്കുന്നതിനുളള അവസരം ഒരുക്കും. ആഗോള കമ്പനികളുടെ നൈപുണ്യ പരിശീലനം കേരളത്തില് ഉറപ്പാക്കുമെന്നും അദ്ദേഹം പറഞ്ഞു.
പുതുതായി 2500 സ്റ്റാര്ട്ട്അപ്പുകള് സംസ്ഥാനത്ത് ആരംഭിക്കും. ഇതിലൂടെ 20000 തൊഴിലവസരങ്ങള് സൃഷ്ടിക്കാനാകും. സ്റ്റാര്ട്ട്അപ്പുകള്ക്ക് 50 കോടി രൂപ അനുവദിക്കും.
വരുന്ന സാമ്പത്തിക വര്ഷം എട്ടുലക്ഷം പേര്ക്ക് തൊഴിലവസരം സൃഷ്ടിക്കും. ഇതില് മൂന്ന് ലക്ഷം അഭ്യസ്തവിദ്യര്ക്കായി നീക്കിവെയ്ക്കും.
തൊഴിലില്ലായ്മ പരിഹരിക്കാന് ബൃഹദ് പദ്ധതി. കെ- ഡിസ്ക് പുനഃസംഘടിപ്പിക്കും. നിയര് ഹോം പദ്ധതിക്ക് 20 കോടി രൂപ നീക്കിവെയ്ക്കും.
വര്ക്ക് ഫ്രം ഹോം ചെയ്യുന്നവര്ക്ക് കെഎസ്എഫ്ഇ, കെഎസ്ഇ എന്നിവ വഴി വായ്പ അനുവദിക്കുമെന്നും തോമസ് ഐസക് പറഞ്ഞു.
from Kerala || Deshabhimani Online News https://ift.tt/2Kgxbk1
via IFTTT
No comments:
Post a Comment