ഇ വാർത്ത | evartha
അപകടത്തില്‍പെട്ട വിമാനത്തില്‍ എത്തിയവരില്‍ 40 പേര്‍ക്ക് കോവിഡ് പോസിറ്റീവ്: രക്ഷാപ്രവര്‍ത്തനത്തില്‍ പങ്കെടുത്ത എല്ലാവരും ക്വാറൻ്റീനില്‍ പോകണം
കരിപ്പൂരില്‍ അപകടത്തില്‍പെട്ട വിമാനത്തില്‍ ഇന്നലെ എത്തിയവരില്‍ 40 പേര്‍ കോവിഡ് പോസിറ്റീവാണെന്നു റിപ്പോർട്ടുകൾ. രക്ഷാപ്രവര്‍ത്തനത്തില്‍ പങ്കെടുത്ത എല്ലാവരും ക്വാറന്റീനില്‍ പോകാന്‍ ജില്ലാ ഭരണകൂടം നിര്‍ദേശം നല്‍കി.
അപകടം നടന്ന് നിമിഷങ്ങൾക്കകം ഓടിയെത്തിയ നാട്ടുകാരാണ് രക്ഷാപ്രവർത്തനത്തിന് തുടക്കത്തിൽ നേതൃത്വം നൽകിയത്. വിമാനത്തിന്‍റെ മുൻ ഭാഗം ഇടിച്ച് തകർത്ത മതിനിടയിലൂടെ ഓടിക്കയറിയാണ് നാട്ടുകാർ കുടുങ്ങിക്കിടന്നവരെ പുറത്തെത്തിച്ചതും ആശുപത്രിയിലേക്കു മാറ്റിയതും. ഒരു നാടുമുഴുവൻ രംഗത്തിറങ്ങിയപ്പോൾ ഒറ്റക്കെട്ടായ രക്ഷാപ്രവർത്തനത്തിലൂടെ ഒന്നരമണിക്കൂറിനകം അവസാനത്തെ ആളെ അടക്കം പുറത്തെത്തിക്കാനായി.
നാട്ടുകാർ എല്ലാവരും ഒരുമിച്ച് നിന്നതോടെ ദുരന്തത്തിന്‍റെ ആഘാതം കുറയ്ക്കാനായി എന്നുള്ളത് ചെറിയ കാര്യമല്ല. ഇതിനിടെ അകലങ്ങളിലിരുന്ന് സമൂഹമാധ്യമങ്ങളും രക്ഷാപ്രവർത്തനത്തിന് കരുത്ത് പകർന്നു. ശരീരം സ്ഥലത്തില്ലെങ്കിലും ഏവരും ഇന്നലെ രാത്രി മുഴുവൻ മനസ്സുകൊണ്ടു കരിപ്പൂരായിരുന്നു. പരിക്കേറ്റവർക്ക് രക്തം വേണമെന്ന സന്ദേശം മിനിറ്റുകൾക്കുള്ളിൽ നാടാകെ പരന്നു. അർധരാത്രിയും ബ്ലഡ് ബാങ്കിലേക്ക് രക്തദാനത്തിനായി യുവാക്കൾ എത്തിയിരുന്നു.
Copyright © 2020 Evartha.in All Rights Reserved.
from ഇ വാർത്ത | evartha https://ift.tt/2F4XDKD
via IFTTT
No comments:
Post a Comment