അഞ്ചലിലെ ഉത്രയുടേത് കൊലപാതകമെന്ന് സംശയം; ഭര്‍ത്താവ് കസ്റ്റഡിയില്‍, അറസ്‌റ്റ്‌ ഉണ്ടാകുമെന്ന്‌ സൂചന

കൊല്ലം > അഞ്ചലിൽ യുവതി പാമ്പു കടിയേറ്റ് മരിച്ച സംഭവം കൊലപാതകമെന്ന് സംശയം. അഞ്ചല് സ്വദേശിനി ഉത്രയുടെ മരണമാണ് കൊലപാതകമെന്ന് സംശയിക്കപ്പെടുന്നത്. ഉത്രയുടെ ഭര്ത്താവ് സൂരജ് അടക്കം രണ്ടുപേരെ കസ്റ്റഡിയിലെടുത്ത് പോലീസ് ചോദ്യം ചെയ്യുകയാണ്.

റൂറല് എസ്പി ഹരിശങ്കറിന്റെ നേതൃത്വത്തില്, ക്രൈം ബ്രാഞ്ച് ഡിവൈഎസ്പി അശോക് കുമാറിന്റെ സംഘമാണ് സൂരജിനെയും കല്ലുവാതുക്കല് സ്വദേശിയായ പാമ്പുപിടുത്തക്കാരന് സുരേഷിനെയും കസ്റ്റഡിയിലെടുത്തത്. ചോദ്യം ചെയ്യല് നടക്കുകയാണ്. പാമ്പു കടിയേറ്റ് ചികിത്സയിലിരിക്കെയാണ് ഉത്ര വീണ്ടും പാമ്പു കടിയേറ്റ് മരിച്ചത്. ഏറം വെള്ളിശ്ശേരി വിജയസേനന്റെയും മണിമേഖലയുടെയും മകളായ ഉത്ര (25)യെ മേയ് ഏഴിനാണ് കുടുംബവീട്ടില് മരിച്ച നിലയില് കണ്ടെത്തിയത്. അഞ്ചലിലെ സ്വകാര്യ ആശുപത്രിയില് എത്തിച്ചപ്പോഴാണ് ഇടതുകയ്യില് പാമ്പ് കടിയേറ്റതിന്റെ പാട് കണ്ടെത്തിയത്.

കഴിഞ്ഞ മാര്ച്ച് രണ്ടിന് അടൂര്, പറക്കോട്ട് ഭര്ത്താവിന്റെ വീട്ടില്വെച്ച് ഉത്രയെ പാമ്പുകടിച്ചിരുന്നു. അണലി വര്ഗത്തില്പ്പെട്ട പാമ്പാണ് കടിച്ചത്. ഇതിനെ തുടര്ന്നുള്ള ചികിത്സയുടെ ഭാഗമായി സ്വന്തം വീട്ടില് എത്തിയപ്പോഴാണ് രണ്ടാമതും പാമ്പുകടിയേറ്റത്. ഭര്ത്താവിന്റെ വീട്ടില് വച്ച് പാമ്പ് കടിയേറ്റതും രാത്രിയിലായിരുന്നു. അന്ന് വീട്ടില് ബോധം കെട്ട് വീണ ഉത്രയുടെ കാല് പരിശോധിച്ചപ്പോഴാണ് പാമ്പ് കടിച്ചതായി മനസ്സിലായത്.

ഉത്രയുടെ മരണത്തില് മാതാപിതാക്കളും ബന്ധുക്കളും സംശയം ഉന്നയിച്ചിരുന്നു. എസി ഉണ്ടായിരുന്ന, അടച്ചുറപ്പുള്ള മുറിയിലാണ് ഉത്ര ഉറങ്ങാന് കിടന്നത്. ഈ മുറിയില് എങ്ങനെ മൂര്ഖന് പാമ്പ് കയറി എന്നതായിരുന്നു പ്രധാന സംശയം.

തുടര്ന്ന് ഉത്രയുടെ മാതാപിതാക്കള് റൂറല് എസ്പി ഹരിശങ്കറിന് പരാതി നല്കി. തുടര്ന്ന് പൊലീസ് അന്വേഷണം ആരംഭിച്ചു. അപ്പോഴാണ് കല്ലുവാതുക്കലിലെ ഒരു പാമ്പു പിടുത്തക്കാരനുമായി സൂരജിന് അടുത്ത ബന്ധമുണ്ടെന്ന് കണ്ടെത്തിയത്. ഇതിന്റെ അടിസ്ഥാനത്തില് സൂരജിനെ പൊലീസ് ശനിയാഴ്ച കസ്റ്റഡിയിലെടുത്തിരുന്നു. പാമ്പു പിടുത്തക്കാരനെയും കസ്റ്റഡിയിലെടുത്തിട്ടുണ്ട്. ഇവരെ രണ്ടുപേരെയും ചോദ്യം ചെയ്യുകയാണ്. ഞായറാഴ്ച വൈകിട്ടോടെ ഉത്രയുടെ മരണം സംബന്ധിച്ച കാര്യത്തില് വ്യക്തതയുണ്ടാകുമെന്നാണ് കരുതുന്നത്.

from Kerala || Deshabhimani ​Online ​News https://ift.tt/2Xnz8O5
via IFTTT