മലയാളികളടങ്ങുന്ന മത്സ്യത്തൊഴിലാളിസംഘം ഇറാനില്‍ കുടുങ്ങി; നാട്ടിലെത്തിക്കാന്‍ നടപടികളുമായി സര്‍ക്കാര്‍

തിരുവനന്തപുരം > കേരളത്തില്നിന്നു പോയ മത്സ്യബന്ധനത്തൊഴിലാളികള് ഇറാനില് കുടുങ്ങിക്കിടക്കുന്നു. തിരുവനന്തപുരം ജില്ലയിലെ വിഴിഞ്ഞം, പൊഴിയൂര്, മറയനാട് എന്നിവിടങ്ങളില്നിന്നു പോയ 17 മത്സ്യത്തൊഴിലാളികളാണ് കുടുങ്ങിക്കിടക്കുന്നത്. മലയാളികളും തമിഴ്നാട്ടില് നിന്ന് ഉള്ളവരും അടക്കം എണ്ണൂറോളം പേര് ഇത്തരത്തില് കുടുങ്ങി കിടക്കുന്നുണ്ടെന്നാണ് റിപ്പോര്ട്ടുകള്. കൊവിഡ്-19 ഭീഷണിയെ തുടര്ന്ന് ഇറാനില് ജാഗ്രതാനിര്ദേശം പ്രഖ്യാപിച്ചിരിക്കുന്നതിനാലാണ് ഇവര്ക്ക് മുറിയില്നിന്നു പുറത്തിറങ്ങാന് പോലും സാധിക്കാത്തത്.

മത്സ്യത്തൊഴിലാളികള് നാലുമാസം മുമ്പാണ് മത്സ്യബന്ധന വിസയില് ഇറാനില് എത്തിയത്. എന്നാല് കൊറോണഭീതി നിലനില്ക്കുന്ന സാഹചര്യത്തില് ഇവര്ക്ക് മുറിയില്നിന്നുപോലും പുറത്തിറങ്ങുന്നതിന് നിയന്ത്രണം ഏര്പ്പെടുത്തുകയായിരുന്നു. ഇതോടെയാണ് ഇവര് കുടുങ്ങിയത്. ആഹാരം പോലും ലഭിക്കുന്നതിന് ഇവര് ബുദ്ധിമുട്ട് നേരിടുന്നുണ്ടെന്നാണ് ലഭിക്കുന്ന വിവരം. ഇവരുമായി ബന്ധപ്പെടാന് ബന്ധുക്കള് ശ്രമിക്കുന്നുണ്ട്.

മത്സ്യത്തൊഴിലാളികളെ നാട്ടിലെത്തിക്കാന് എല്ലാവിധ നടപടികളും സ്വീകരിക്കുമെന്ന് ഫിഷറീസ് വകുപ്പ് മന്ത്രി ജെ മേഴ്സിക്കുട്ടിയമ്മ പറഞ്ഞു. ഇറാനില് കുടുങ്ങിക്കിടക്കുന്നവരുടെ വിവരങ്ങളും വിലാസവും നോര്ക്കയ്ക്ക് കൈമാറാനും അതുവഴി എംബസിയുടെ ശ്രദ്ധയില്പ്പെടുത്തി തൊഴിലാളികളെ തിരികെ കൊണ്ടുവരാനുമാണ് ശ്രമിക്കുന്നതെന്നും മന്ത്രി കൂട്ടിച്ചേര്ത്തു. വിഷയം മുഖ്യമന്ത്രിയുടെ ശ്രദ്ധയില്പ്പെടുത്തിയിട്ടുണ്ടെന്നും മന്ത്രി പറഞ്ഞു.

from Kerala || Deshabhimani ​Online ​News https://ift.tt/2uLzZOs
via IFTTT