മുംബൈ> മുംബൈ ആസ്ഥാനമായ സ്വകാര്യ ബാങ്ക് യെസ് ബാങ്കിൽനിന്ന് ഒരുമാസം പിൻവലിക്കാവുന്ന പരമാവധി തുക അമ്പതിനായിരമാക്കി ആർബിഐ നിജപ്പെടുത്തി. ഉന്നത വിദ്യാഭ്യാസം, വിവാഹം, ചികിത്സ തുടങ്ങിയ അടിയന്തിരാവശ്യങ്ങൾക്ക് ഈ പരിധി ബാധകമാക്കിയിട്ടില്ല.
ബാങ്ക് ഡയറക്ടർമാരെ ഉടൻ പ്രാബല്യത്തിൽ വരുംവിധം സസ്പെൻഡ്ചെയ്ത ആർബിഐ പകരം എസ്ബിഐ മുൻ ചീഫ് ഫിനാൻഷ്യൽ ഓഫീസർ പ്രശാന്ത്കുമാറിനെ അഡ്മിനിസ്ട്രേറ്ററായി നിയോഗിച്ചു. വ്യാഴാഴ്ച വൈകിയാണ് ഉത്തരവിറക്കിയത്. നിക്ഷേപകരുടെ താൽപ്പര്യങ്ങളും പൊതുതാൽപ്പര്യങ്ങളും കണക്കിലെടുക്കുമ്പോൾ മൊറട്ടോറിയം പ്രഖ്യാപിക്കലല്ലാതെ മറ്റ് മാർഗമില്ലെന്നും കേന്ദ്രസർക്കാരുമായി ആലോചിച്ചാണ് നടപടിയെടുത്തതെന്നും ഏപ്രിൽ മൂന്നുവരെ ഇത് നിലനിൽക്കുമെന്നും ആർബിഐ ഉത്തരവിൽ വ്യക്തമാക്കി.
യെസ് ബാങ്ക് കടുത്ത സാമ്പത്തിക പ്രതിസന്ധിയിലാണെന്നും എസ്ബിഐയുടെ നേതൃത്വത്തിലുള്ള കൺസോർഷ്യം ഓഹരി ഏറ്റെടുക്കാൻ സാധ്യതയുണ്ടെന്നും നേരത്തെ റിപ്പോർട്ടുണ്ടായിരുന്നു. ആയിരത്തി ഒരു നൂറിലേറെ ബ്രാഞ്ചുകളാണ് ഇന്ത്യയിലാകെ യെസ് ബാങ്കിനുള്ളത്.
from Kerala || Deshabhimani Online News https://ift.tt/38lWWpa
via IFTTT
No comments:
Post a Comment