തുറവൂർ > ഇടുക്കിയിൽ വിനോദയാത്രക്ക് പോയ സംഘത്തിലെ യുവാവ് വാഹനാപകടത്തിൽ മരിച്ചു. തുറവൂർ പഞ്ചായത്ത് 12- വാർഡ് പുത്തൻപുരയ്‌ക്കൽ വേണുവിന്റെയും മായയുടെയും മകൻ ജിഷ്ണു(20) ആണ് മരിച്ചത്. ചെറുതോണി പേപ്പാറ പാലത്തിൽ ശനിയാഴ്‌ച്ച രാത്രി 12നായിരുന്നു അപകടം.
സംഭവത്തെക്കുറിച്ച് പൊലീസ് പറയുന്നതിങ്ങനെ. തുറവൂരിൽ നിന്ന് ജിഷ്‌ണുവും സുഹൃത്തുക്കളും ചേർന്ന് സൈലോ കാറിൽ ഇടുക്കിയിലെത്തി. ചെറുതോണിയിലെ ലോഡ്‌ജിൽ മുറിയെടുത്ത ശേഷം ബൈക്കിൽ പ്രദേശവാസിയും സുഹൃത്തുമായ അഭിജിത്തിനൊപ്പം ഭക്ഷണം വാങ്ങാൻ പുറത്തു പോയി .ഇവർ സഞ്ചരിച്ച ബൈക്ക് നിയന്ത്രണം തെറ്റി പാലത്തിന്റെ ഇരുമ്പു ഫെൻസിൽ ഇടിച്ചു കയറുകയായിരുന്നു. ഗുരുതരമായ പരിക്കേറ്റ ഇരുവരെയും നാട്ടുകാർ മെഡിക്കൽ കോളേജ് ആശുപത്രിയിലെത്തിച്ചെങ്കിലും ജിഷ്ണു മരിച്ചു. അഭിജിത്ത് കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലാണ്.
from Kerala || Deshabhimani Online News https://ift.tt/2SUwLmB
via IFTTT
No comments:
Post a Comment