കണ്ണൂർ > ക്ഷേത്ര ദർശനത്തിൽ സ്ത്രീപുരുഷ സമത്വം നടപ്പാക്കേണ്ട കാര്യമില്ലെന്ന്‌ ബിജെപി ദേശീയ അധ്യക്ഷൻ അമിത്‌ ഷാ. ശബരിമല സ്‌ത്രീപ്രവേശന വിഷയത്തിൽ കണ്ണൂരിൽ ബിജെപി പരിപാടിയിൽ സംസാരിക്കവേയാണ്‌ ഷായുടെ പ്രസ്‌താവന.
ഇടത് സർക്കാറിനെ വലിച്ച് താഴെയിടാൻ മടിക്കില്ലെന്ന ഭീഷണിയും അമിത്‌ ഷായുടെ പ്രസംഗത്തിലുണ്ടായിരുന്നു.
കോടതികൾ അപ്രായോഗിക നിർദേശങ്ങൾ നൽകുന്നതിൽ നിന്ന് പിന്മാറണമെന്നായിരുന്നു സുപ്രീം കോടതി ഭരണഘടനാ ബെഞ്ചിന്റെ വിധിയോടുള്ള അമിത്‌ ഷായുടെ പ്രതികരണം. അയ്യപ്പ ഭക്തരെ സർക്കാർ അടിച്ചമർത്തുകയാണെന്നാരോപിച്ച ഷാ ശബരിമല വിഷയത്തിൽ പ്രതിഷേധിച്ച ആയിരക്കണക്കിന് പ്രവർത്തകരെ അറസ്റ്റ് ചെയ്തത് എന്തിനാണെന്നും ചോദിച്ചു.
നേരത്തെ സ്ത്രീക്കും പുരുഷനും ക്ഷേത്ര പ്രവേശനത്തിൽ തുല്യ അവകാശം വേണമെന്നായിരുന്നു ആർഎസ്എസ് നിലപാട്. ശബരിമല വിധിയെ സ്വാഗതം ചെയ്യുന്ന സമീപനം ആദ്യം സ്വീകരിച്ച ആർഎസ്എസ്‐ബിജെപി ദേശീയ നേതൃത്വം വർഗീയ മുതലെടുപ്പിനായി നിലപാട് മാറ്റുകയായിരുന്നു. ഇതിനു പിന്നാലെയാണ്‌ പരസ്യമായ ഭീഷണിയും ഉത്തരേന്ത്യൻ മോഡൽ വർഗീയ പ്രചരണവുമായി അമിത്‌ ഷാ തന്നെ കേരളത്തിലെത്തിയിരിക്കുന്നത്‌.
from Kerala || Deshabhimani Online News https://ift.tt/2qdubqZ
via IFTTT
No comments:
Post a Comment